Tuesday, July 14, 2009

തീനാളങ്ങളുടെ ഇടയന്‍

തീനാളങ്ങളുടെ ഇടയന്
‍നാക്കുകള്‍ നീട്ടിയാണ്‌
ഭക്ഷിക്കുന്നത്‌
അവന്ന്‌ കൈകളില്ല
അവന്ന്‌ അവസാനം
നാശം മാത്രമാണ്‌ ബാക്കിയാവുന്നത്‌
അടുപ്പിലും
ആത്മഹത്യാ മുറിയിലും
യുദ്ധരംഗങ്ങളിലും
കാട്ടുതീയിലും
കറുത്ത നാവുകള്‍ മാത്രം
അതിന്റെ കറുപ്പ്‌ നിറം
കാണാനാവില്ലഅവന്ന്‌
അളവറ്റധനമുണ്ട്‌,
പ്രയോജനമില്ല
വൈകാതെ അയാള്‍ കെട്ടടങ്ങും
പിന്നെ ചാരമായി
ഇളം കാറ്റില്‍പോലും
പാറിക്കൊണ്ടിരിക്കും
അയാളുടെ പത്‌നി
അഗ്നിയിലേക്കുള്ളവിറകുകള്‍
കൊണ്ടുവരും
അവ പൊട്ടിച്ചിതറി
കത്തി്‌ക്കൊണ്ടിരിക്കും.
ഒലിവെണ്ണയൊഴിച്ച്‌
അഗ്നിയെ സാന്ദ്രമാക്കും
പനമ്പട്ടകളിട്ട്‌നാളങ്ങളാക്കും
പിന്നെ, ഈന്തപ്പനയിലകള്‍
അടിച്ചുപിരിച്ച
ഒരു ചുരുളന്‍ കയര്‍
അവള്‍ സ്വയം കഴുത്തിലണിയും

No comments:

Post a Comment